ဒီနေ့ ဒီအချိန်ထိ ပရိတ်သတ်တွေရင်ထဲ လွမ်းတသတသဖြစ်နေဆဲ သဘာဝမင်းသား ဒွေး အကြောင်း

ကိုသားကြီး ခေါ် ဒွေးကို အဖဦးတင်ထွန်းမောင် နှင့် အမိ ဒေါ်အေးအေးသင်းတို့ က ရန်ကုန်မြို့တွင်မွေးဖွားခဲ့ပါတယ်။ အမည်ရင်းကတော့ မောင် ထင်လင်း ( ခေါ် ) သားကြီး ဖြစ်ပါတယ်။ YIT မှ စက်မှု အင်ဂျင်နီယာဘွဲ့ရရှိထားတဲ့ ဒွေးဟာ သရုပ်ဆောင်လောကထဲ မဝင်ခင်မှာ အဆိုတော် တစ်ယောက်ဖြစ်ချင်ခဲ့တာလို့ သိရပါတယ်။

မမျှော်လင့်ပဲ ဦးလေးဖြစ်သူ ဦးကျော်ဟိန်းကြောင့် ရုပ်ရှင်လောကထဲသို့ စတင်ရောက်ရှိလာခဲ့ပြီး ထင်လင်း ဆိုတဲ့ အမည်ရင်း နဲ့ ရုပ်ရှင်ဇာတ်ကားတွေ ရိုက်ဖြစ်ခဲ့ပါတယ်။ နောက်ပိုင်းမှာတော့ ဒွေးလို့ အမည်ပြောင်းကာ ၁၉၉၃ ခုနှစ်တွင် ဦးလေးဖြစ်သူ ဒါရိုက်တာ ဦးကျော်ဟိန်း ရိုက်ကူးခဲ့တဲ့ ဒုက္ခကို အရောင်ဆိုးတယ် အမည်ရှိ မူးယစ်ဆေးဝါးပညာပေး ဗီဒီယိုကား နဲ့ လည်းကောင်း ၊ဝေလည်းမွှေး ၊ ကြွေလည်းမွှေး ရုပ်ရှင်ကား နဲ့ လည်းကောင်း ပရိတ်သတ်အားပေး အသိအမှတ်ပြု စတင်ရရှိခဲ့ပါတယ်။ဦးလေးဖြစ်သူ ဦးကျော်ဟိန်းရဲ့ လမ်းညွှန်ဆွဲခေါ်မှုကြောင့် ရုပ်ရှင် နဲ့ ဗီဒီယိုလောကထဲ မှာ စူပါမင်းသားတစ်လက်ဖြစ်ခဲ့ပါတယ်။

ဒွေးဟာ ၁၉၉၇ ခုနှစ်တွင် အမေ့ခြေရာ ဆိုတဲ့ ရုပ်ရှင်ဇာတ်ကားကြီးနဲ့ အမျိုးသားဇာတ်ဆောင်ဆုကို ဆွတ်ခူးရရှိခဲ့ပါတယ်။ ဒါ့အပြင် ရုပ်ရှင်ကားကြီးများ ၊ ဗီဒီယို ကားများ နဲ့ ကြော်ငြာ ပေါင်းမြောက်မြားစွာကို ရိုက်ကူးခဲ့ပါတယ်။ ဒွေးကိုယ်တိုင် ဒါရိုက်တာအဖြစ် နောက်ဆုံး ရိုက်ကူးခဲ့တဲ့ ဇာတ်ကားမှာ နှင်းဆီမိုးတိမ် ဖြစ်ပါတယ်။

ရုပ်ရှင်လောကဘက်မှာ လျှမ်းလျှမ်းတောက် အောင်မြင်ခဲ့သလို ဂီတလောကဘက်မှာလည်း သီချင်းပေါင်း အပုဒ် ၃၀ ကျော်ကို သီဆိုခဲ့ပါတယ်။ ဒွေး ရဲ့ တစ်ခုတည်းသော တစ်ကိုယ်တော်အယ်လ်ဘမ် ကတော့ ထွန်းလင်းခွင့်ပေးပါ ဆိုတဲ့ တေးစီးရီး ဖြစ်ပါတယ်။

အကယ်ဒမီ ဒွေး ဟာ သူ လျှမ်းလျှမ်းတောက် အောင်မြင်မှုရရှိနေချိန်မှာပဲ မမျှော်လင့်ပဲ နှလုံးရောဂါ နဲ့ ၂၀၀၇ ခုနှစ် ဇူလိုင်လ ၁၁ ရက် ညနေ (၅ နာရီ ) တွင် အမှတ် ၃၄ စီ ၊ အေးသာယာလမ်း ၊ ဘောက်ထော် နေအိမ်မှာပဲ သူချစ်သော ပရိသတ်ကြီးကို ထာဝရနှုတ်ဆက်သွားခဲ့လေတော့ပါတယ်။ ကွယ်လွန်ချိန် မှာတော့ အသက် ( ၄၂ ) နှစ် ရှိပြီဖြစ်ပါတယ်။ကိုသားကြီး မကွယ်လွန်ခင်မှာ နောက်ဆုံးရိုက်လက်စ ကားကတော့ ဒါရိုက်တာ ချိုတူးဇော် ရိုက်တဲ့ ကမ္ဘာတစ်ခြမ်းည ဆိုတဲ့ ဇာတ်ကားဖြစ်ပါတယ်။

ဒီကားထဲမှာတော့ ဒွေး ၊ ဆုရွန်းလဲ့ တို့ပါဝင်ပြီး ဒီကား ရိုက်ကူးဆဲ မှာပင်ကွယ်လွန်သွားတဲ့အတွက် အနုပညာရှင်မောင်နှမ အားလုံးက ကရုဏာ နှမြောတသ ဖြစ်ကြတယ် လို့ သိရပါတယ်။ ဒါ့အပြင် ရိုက်ရန်ကမ်းလှမ်းထားတဲ့ ရုပ်ရှင်ဇာတ်ကားတွေ အများအပြားလည်း ရှိနေပါသေးတယ်။ ညီဖြစ်သူ သားညီ နဲ့ လည်း တေးစီးရီး အခွေထုတ်ဖို့ စီစဉ်နေဆဲ ကာလဖြစ်တယ်လို့ သိရပါတယ်။လင်းလက်နေတဲ့ အနုပညာကြယ်တစ်ပွင့် ကြွေလွင့်သွားရှာခဲ့ပေမယ့် ပရိတ်သတ်အတွက် သူဖန်တီးထားရှိခဲ့တဲ့ အနုပညာလက်ရာတွေကတော့ ယနေ့ထက်တိုင်ကောင်းမွန်နေဆဲ ဖြစ်ပါတယ်။

ကဲ …. အခုတင်ဆက်ပေးလိုက်တဲ့ အကယ်ဒမီ ဒွေး ( ခေါ် ) ကိုသားကြီး ဖြစ်ပေါ်လာပုံကို သိရပြီဆိုရင်တော့ ကိုသားကြီးအကြောင်း သေချာမသိရှိသေးတဲ့ ကိုသားကြီး ဖန်လေးတွေ ကို လက်တို့ မျှဝေ ပေးလိုက်ကြပါဦး ။

error: Content is protected !!