Taxi ဆရာကို KTV တွင်ထားခဲ့ပြီး ကားကိုခိုးယူမောင်းပြေးသူအား ဖော်ထုတ်ဖမ်းဆီး

ကားခိုးရန်ရည်ရွယ်ချက်ဖြင့် တက္ကစီဆရာကို KTV သို့ လှည့်ဖျားဖိတ်ခေါ်ကာ ယာဉ်ကိုခိုးယူမောင်းပြေးသူအား ရဲတပ်ဖွဲ့က ဖော်ထုတ်ဖမ်းဆီးနိုင်ခဲ့ကြောင်း သတင်းရသည်။

ဇူလိုင် ၉ ရက် ည(၈)နာရီ အချိန်ခန့်တွင် အငှားယာဉ်မောင် ကို — သည် YGN FF/—- Fielder ခဲရောင်(အငှားယာဉ်)အား ဗဟန်းမြို့နယ်၊ အနောက်မြင်းပြိုင်ကွင်းလမ်းအတိုင်းမောင်းနှင်လာစဉ် တာမွေမီးပွိုင့်အနီးအရောက် အမျိုးသားတဦးမှ ကားငှားသဖြင့်ရပ်ပေးခဲ့ကြောင်း၊ အဆိုပါ အမျိုးသားမှ ကားအား(၅)နာရီခန့် အသုံးပြုမည်ဖြစ်ကြောင်းနှင့် ကလပ်သို့သွားမည်ဖြစ်ကြောင်းပြောငှားသဖြင့် လိုက်ပါခဲ့ကြောင်း၊ ကားငှားသူအမျိုးသားမှာ ကားပေါ်အရောက်တွင် အမည်မသိအမျိုးသမီးတဦးထံ ဖုန်းဆက်ပြီး မိန်းကလေး(၂)ဦးအား ခေါ်ဆောင်ရန်အတွက် ကျားကွက်သစ်ရပ်ကွက်သို့ မောင်းခိုင်းခဲ့ကြောင်း၊

ကျားကွက်သစ်ရပ်ကွက်၊ မြို့သစ်(၁)လမ်းသို့အရောက်တွင် ဆံပင်ညှပ်ဆိုင်ရှေ့ ၌ ရပ်စောင့်နေသော အမျိုးသမီးနှစ်ဦးကို ခေါ်ဆောင်ကာ ကျိုက္ကဆံလမ်းရှိ TRI STAR ဟိုတယ်သို့ မောင်းနှင်ခိုင်းခဲ့ ကြောင်း၊ ဟိုတယ်သို့အရောက်တွင် တရားလို ကို—- အား ကားပေါ်တွင်စောင့်ခိုင်းသဖြင့် စောင့်ဆိုင်းခဲ့ရာ (၂)နာရီခန့်အကြာတွင် ကားငှားသူအမျိုးသားသည် အမျိုးသမီး(၂)ဦးနှင့်အတူ ပြန်လည်ရောက်ရှိလာပြီး “တခုခုသွားစားရအောင်”ဟုဆိုကာ ကားသော့တောင်းသဖြင့် ကားသော့ပေးကာ မောင်းနှင်စေခဲ့ကြောင်း၊

ဗဟန်းမြို့နယ်၊ ဖိုးစိန်လမ်းရှိ ကျော် ကာရာအိုကေဆိုင်သို့ မောင်းနှင်ခဲ့ပြီး ဆိုင်ရှေ့အရောက်တွင် လိုက်ခဲ့ရန်ခေါ်သဖြင့် လိုက်ပါခဲ့ကြောင်း၊ ကာရာအိုကေခန်းအတွင်းထိုင်နေစဉ် ကားငှားစီးသူမှ ကားသော့အား စက်တီစားပွဲပေါ်၌ တင်ထားကာ အခန်းအတွင်းမှအပြင်သို့ ထွက်လိုက်ဝင်လိုက်ဖြင့် ဖုန်းပြောနေခဲ့ပြီးနောက် မိနစ်(၂၀)ခန့်ကြာသည်အထိ အခန်းအတွင်းသို့ ပြန်မရောက်လာသောကြောင့် စားပွဲပေါ်၌တင်ထားသော ကားသော့အားကြည့်ရှုခဲ့ရာ မတွေ့သဖြင့် ကားအားသွားရောက် ကြည့်ရှုခဲ့ရာ ကားမှာလည်းမတွေ့ရှိတော့ကြောင်း၊

ထိုတွင် ကို—- မှ 199 သို့ ဖုန်းဆက်၍ အကူအညီတောင်းခဲ့သဖြင့် ဗဟန်းမြို့မရဲစခန်းမှ တပ်ဖွဲ့ဝင်များနှင့် အခြားရဲစခန်းများမှ တပ်ဖွဲ့ဝင်များ ချိတ်ဆက်ကာ ကားအားလိုက်လံရှာဖွေခဲ့ရာ ကမာရွတ်မြို့နယ်၊ ရတနာလမ်းအတွင်း တံခါးသော့များ လော့ချ၍ရပ်ထားသည်ကိုတွေ့ရှိရပြီး ကားမောင်းသွားသူအမျိုးသားကို မတွေ့ရှိတော့သဖြင့် ပြစ်မှု ကျူးလွန်သူအား စုံစမ်းဖော်ထုတ်အရေးယူပေးပါရန် ယာဉ်မောင်း ကို —- က ဗဟန်းမြို့မရဲစခန်းတွင် အမှုဖွင့်တိုင်တန်းခဲ့သည်။သည်။

ဖြစ်စဉ်နှင့်ပတ်သက်၍ ပြစ်မှုကျူးလွန်သူအား ဖမ်းဆီးရမိရေးအတွက် တိုင်းဒေသကြီးရဲတပ်ဖွဲ့မှူး၏ လမ်းညွှန်ချက်အရ ရန်ကုန်တိုင်းဒေသကြီး ရဲတပ်ဖွဲ့မှူးရုံး၊ မှုခင်းအကူဌာနစုမှ တပ်ဖွဲ့ဝင်များ၊ အနောက်ပိုင်း ခရိုင်ရဲတပ်ဖွဲ့မှ တပ်ဖွဲ့ဝင်များပူးပေါင်း၍ စုံစမ်းဖော်ထုတ်ခဲ့ရာ ပြစ်မှုကျူးလွန်သူသည် မရမ်းကုန်းမြို့နယ်၊ (၅)ရပ်ကွက်နေ မောင်မောင်အေးမင်း(ခ)ကျော်ကျော်ဖြစ်ကြောင်း သိရှိရ၍ ဖမ်းဆီးအရေးယူထားကြောင်း သတင်းရရှိပါသည်။

ရဲဇာနည်

error: Content is protected !!