“ထိုင်းမျိုးပုစွန်များ” ကြောင့် ဗမာမျိုးပုစွန်များ မျိုးတုံးပျောက်ကွယ်သွားနိုင်

ထိုင်းမျိုးပုစွန်များကြောင့် ဗမာမျိုးပုစွန်များ မျိုးတုံးပျောက်ကွယ်သွားနိုင်ကြောင်း မြန်မာနိုင်ငံ ပုစွန်မွေးမြူထုတ်လုပ်ရောင်းချသူများအသင်းမှ သိရသည်။
”ဗမာမျိုးပုစွန်တွေ လုံလုံလောက်လောက်ရှိလျက်နဲ့ ထိုင်းကနေ တင်သွင်းပြီးတော့ မွေးမြူကြတယ်။

အဲဒီ ထိုင်းမျိုးပုစွန်တွေက မွေးမြူတဲ့ ကန်တွေပေါက်ပြီး မြစ်တွေ၊ ချောင်းတွေထဲရောက်သွားတော့ မျိုးတွေ အားလုံးရောသွားတယ်။ နောက်ဆိုရင် ဗမာမျိုးပုစွန်တွေပါ မျိုးတုံးပျောက် ကွယ်သွားနိုင်တဲ့အခြေအနေမှာ ရှိတယ်”ဟု မြန်မာနိုင်ငံ ပုစွန်မွေးမြူထုတ်လုပ်ရောင်းချသူများအသင်း အတွင်းရေးမှူးဦးတင်ထွန်းဦးက ပြောကြားသည်။

လက်ရှိတွင် ထိုင်းမျိုးပုစွန်သားပေါက်တကောင်လျှင် ၁ဝ ကျပ်အမြင့်ဆုံးသာ ရောင်းချရပြီး ဗမာမျိုးပုစွန် တကောင်လျှင် ၂၁ ကျပ်အထိ အမြင့်ဆုံးရောင်းချနေရကြောင်း ၎င်းက ဆက်လက်ပြောဆိုသည်။

”ပြီးခဲ့တဲ့ ၂ဝ၁၂ လောက်က ကျွန်တော်တို့ ပုစွန်သားပေါက်လုပ်ငန်းတွေ မအောင်မြင်ဘဲ အခက်အခဲဖြစ်တော့ ထိုင်း မျိုးပုစွန်တွေမှာပြီးသားဖောက်ကြတယ်။ အဲဒီစပြီးတော့ ထိုင်းမျိုးတွေ ဗမာပြည်ထဲကို ရောက်လာ တာဖြစ်တယ်။ အခုဆိုရင် ထိုင်းမျိုးနဲ့ဗမာမျိုးရောတွေပဲ။ ဗမာမျိုးသီးသန့်ဆိုတာ ရှားသွားပြီ”ဟု ဦးတင် ထွန်းဦးက ဆိုသည်။

လက်ရှိတွင် ပြည်တွင်းလိုအပ်ချက်အရ ဗမာမျိုးပုစွန်များကို လုံလုံလောက်လောက်ထုတ်ပေးနိုင်နေပြီ ဖြစ်ခြင်းကြောင့် ထိုင်းမျိုးပုစွန်သားပေါက်များကို တင်သွင်းမွေးမြူရောင်းချနေမှုအား ကန့်သတ်ပေးရန် မိမိတို့အသင်းမှ မြန်မာနိုင်ငံ ငါးလုပ်ငန်းဦးစီးဌာနအား တင်ပြထားကြောင်း မြန်မာနိုင်ငံ ပုစွန်မွေးမြူထုတ် လုပ်ရောင်းချသူများအသင်းက ဆိုသည်။

စိုးစိုး(News Watch)

error: Content is protected !!