သမီး မြတ်စုထွန်းလွင်ရဲ့ “အဖေ့အတွက် နောက်ဆုံး နှုတ်ဆက်စာ”

မိုးလေဝသနှင့် ဇလဗေဒ ပညာရှင် ဒေါက်တာ ဦးထွန်းလွင် ကွယ်လွန်သွားခြင်းဟာ မြန်မာနိုင်ငံရဲ့ အစားထိုးမရနိုင်တဲ့ ဆုံးရှုံးမှုကြီးပါ။ ဆရာကြီးရဲ့ အချိန်နဲ့ တစ်ပြေးညီ မိုးလေဝသ သုံးသပ်ချက်တွေကို မှီခိုအားကိုးနေရတဲ့ ပင်လယ်ငါးဖမ်းလုပ်ငန်းလုပ်ကိုင်သူတွေနဲ့ တောင်သူလယ်သမားတွေအတွက်လည်း အားကိုးရာမဲ့သွားရတဲ့ ဝမ်းနည်းစရာဖြစ်ရပ်ကြီးဆိုရင်မမှားပါဘူး။ တစ်နိုင်ငံလုံးက မိဘပြည်သူလူအများနဲ့ ဦးထွန်းလွင်ကိုလေးစားမြတ်နိုးကြသူတွေဟာ ဦးထွန်းလွင်ရဲ့ဈာပနကိုလိုက်ပါပို့ဆောင်ခဲ့ကြပါတယ်။

ဦးထွန်းလွင်ဆုံးပါးသွားခြင်းဟာ တစ်နိုင်ငံလုံးအတွက် ကြီးမားတဲ့ ဆုံးရှုံးမှုကြီးဖြစ်သလို ဦးထွန်းလွင်ရဲ့ မိသားစုတွေအတွက်လည်း ဖော်မပြတတ်အောင် ယူကြုံးမရဝမ်းနည်းကြေကွဲရတဲ့ဖြစ်ရပ်ကြီးပါ။ ဦးထွန်းလွင်ရဲ့ သမီးဖြစ်သူ မမြတ်စုထွန်းလွင်ဟာလည်း ဖခင်ဖြစ်သူကိုဆုံးရှုံးလိုက်ရခြင်းအတွက်ဖြေမဆည်နိုင်အောင်ခံစားနေရပြီး သူမရဲ့ ခံစားချက်တွေ ပူဆွေးဝမ်းနည်းမှုတွေကို လူမှုကွန်ယက်မှာ ရင်ဖွင့်ထားတာကိုလည်းတွေ့ရပါတယ်။

မမြတ်စုထွန်းလွင်က သူမရဲ့ လူမှုကွန်ယက်မှာ ဦးထွန်းလွင်ကို မဆုံးပါးခင်နောက်ဆုံးရိုက်ထားတဲ့ဓာတ်ပုံလေးနဲ့ ဖေဖေ့အတွက် နောက်ဆုံးစာဆိုပြီးစာလေးတစ်စောင်ရေးထားတာတွေ့ရပါတယ်။

“ဖေဖေ့အတွက် နောက်ဆုံးစာ ၆.၁၁.၂၀၁၉ (ဗုဒ္ဓဟူးနေ့)၊

ငယ်စဉ်ကလေးဘဝ ဖေဖေ လေယာဉ်ပေါ်တက်သွားတိုင်းငါကျန်ခဲ့ပြီဆိုပြီးငို ငို ခဲ့ဖူးတယ်…နောက်တော့ခဏတာခရီးပဲလို့ကျေနပ်တတ်ခဲ့တယ်။လူငယ်အရွယ်ဖေဖေ ဆေးရုံတက်တိုင်းငါတို့ကို ထားသွားရင်ဆိုပြီးပူဆွေးခဲ့ဖူးတယ်…ခုတော့သံသရာခရီး ဆုံဦးမှာပဲလို့သတိမပြတ် ဆင်ခြင်မှတ်ပေမယ့်…သံယောဇဉ်ထု ကြီးမားလွန်းတော့မျက်ရည်အလိုလို ကျကျလာတယ်။ဖေဖေကောင်းရာသုဂတိလားပါစေ။(မဆုံးခင် နာရီပိုင်းအလိုနောက်ဆုံးရိုက်သွားသောပုံအမှတ်တရ)”လို့ရေးထားတဲ့စာလေးကိုကြေကွဲဖွယ်တွေ့ရပါတယ်။

ဦးထွန်းလွင်ရဲ့ ဈာပနကို ဦးကျော်သူခေါင်းဆောင်တဲ့ နာရေးကူညီမှုအသင်းက ရေဝေးသုဿန်မှာ ခမ်းခမ်းနားနားပြုလုပ်ပေးခဲ့ပြီး ဦးထွန်းလွင်ရဲ့ မိသားစုတွေနဲ့ ပြည်သူတွေတော်တော်များများက ဦးထွန်းလွင်ရဲ့နောက်ဆုံးခရီးကို ကြေကွဲဝမ်းနည်းစွာလိုက်ပါပို့ဆောင်ပေးခဲ့ကြပါတယ်။ နိုင်ငံအပေါ်မှာတာဝန်ကျေလွန်ပြီး စိတ်ထားကောင်းတဲ့ ဦးထွန်းလွင်တစ်ယောက် ကောင်းရာသုဂတိလားပါစေလို့ဆုတောင်းပေးလိုက်ရပါတယ်။

Myat Su Htun Lwin

gammassp.com, 1533530506, DIRECT, 31ac53fec2772a83 pubmatic.com, 158212, RESELLER, 5d62403b186f2ace
error: Content is protected !!