သိပ်ချစ် တတ်တဲ့ ယောင်္ကျားလေး တွေကို မိန်းကလေးတွေ ဘာလို့ ထားခဲ့ကြသလဲ

လူတစ်ယောက်က ကိုယ့်ကို အရမ်းချစ်တာမျိုး ကြုံဖူးပါသလား ။ ဒါမှမဟုတ် ကိုယ်က သူ့ကို အရမ်းချစ်တာမျိုးကိုရော ခံစားရဖူးပါသလား ။ အမျိုးသမီးတွေဟာ အရမ်းချစ်တဲ့ ယောင်္ကျားလေးတစ်ယောက်ရဲ့ အချစ်ကို ခံနိုင်ရည်မရှိကြပါဘူး ။ ဘာလို့လဲဆိုတော့

( ၁ ) အမျိုးသမီးတွေဟာ လွတ်လပ်မှုကိုကြိုက်ကြပါတယ် ။

အမျိုးသမီးတွေမှ မဟုတ်ပါဘူး ။ လူတိုင်းပါပဲ ။ သူတို့ကို ချုပ်ချယ်တာမျိုးကို ကြိုက်ကြမယ်မထင်ပါဘူး ။ ဒါပေမယ့် ပြဿနာတစ်ခုက အမျိုးသားတွေဟာ လူတစ်ယောက်ကို ပက်ပက်စက်စက် ချစ်မိသွားရင် အရမ်းချုပ်ချယ် ကြတော့တာပါပဲ ။

ငါလိုင်းပေါ်မရှိရင် ဖုန်းမသုံးရဘူးတို့ ။ သူငယ်ချင်းယောင်္ကျားလေးတွေ ပေးမထားတာတို့ပေါ့ ။ ပြောရရင်တော့ အများကြီးပဲ ။

( ၂ ) သဝန်တိုလွန်းတာဟာ သူ့ကိုနေရခက်စေတယ် ။

သင့်အနေနဲ့ ချစ်လွန်းလို့ သဝန်တိုတာကို လက်ခံပေမယ့် အရမ်းသဝန်တိုလာရင်တော့ တဖက်လူရဲ့ အခွင့်အ ရေးကို ပိတ်ပင်တာမျိုး ဖြစ်သွားတတ်ပါတယ် ။ ဒါ့ကြောင့် သင့်ချစ်သူမိန်းကလေးကို တကယ်ချစ်ရင် သဝန်တိုလို့တော့ရပါတယ် ။ ဒါပေမယ့် အကန့်အသတ်လေးတော့ ရှိသင့်ပါတယ် ။

( ၃ ) ယောင်္ကျားလေးတွေဟာ အတ္တကြီးကြတယ် ။

သင်နဲ့ထပ်တူ မိန်းကလေးတွေမှာလည်း အတ္တရှိတယ်ဆိုတာ မမေ့စေချင်ပါဘူး ။ သင်နဲ့ပဲအတူတူရှိနေရမယ်ဆိုတာမျိုး ။ တစ်နေရာရာသွားရင်လည်း သင့်ကို အကြောင်းကြားရမယ် ဆိုတာမျိုး ။

သင်နဲ့မဟုတ်ရင် ဘယ်မှမသွားရဘူး ။ သူ့မှာ ယောင်္ကျားလေး အသိဆိုလို့ သင်တစ်ယောက်တည်း ရှိရမယ်ဆိုတာမျိုးတွေပါ ။

( ၄ ) သင့်အချစ်တွေဟာ သူ့ကို ဝန်ထုပ်ဝန်ပိုး ဖြစ်စေတယ် ။

တချို့ စုံတွဲတွေကို မြင်ဖူးမှာပါ ။ ကောင်လေးက အရမ်းချစ်တယ် ။ ကောင်မလေးက သိပ်မချစ်ဘူးဆိုတာမျိုးပေါ့ ။ ဒါပေမယ့်လည်း သိပ်မချစ်ဘူးလို့ လူတွေက မြင်ကြတာလည်း ဖြစ်နိုင်ပါတယ် ။

လူတိုင်းမှာ တစ်ယောက်နဲ့ တစ်ယောက် ချစ်ပုံချစ်နည်းတွေ မတူညီကြဘူးလေ ။သင့်အချစ်တွေ ၊ သင်သူ့ကို အရမ်းချစ် အရမ်းဂရုစိုက် လွန်းတာတွေက တခါတလေ သူ့အတွက် ဝန်ထုပ်ဝန်ပိုး ဖြစ်စေတတ်ပါတယ် ။

ယောင်္ကျားလေး တစ်ယောက်အနေနဲ့ သူချစ်တဲ့ မိန်းကလေး တစ်ယောက်ကို ပိုင်ဆိုင်ချင်တာ မဆန်းပါဘူး ။ ဒါပေမယ့် အဲဒီလိုပိုင်ဆိုင်ချင်စိတ် တွေကပဲ သင့်ကောင်မလေးကို သင်နဲ့ အဝေးဆုံးကို တွန်းပို့နေတာသတိထား မိစေချင်ပါတယ် ။

တချို့ မိန်းကလေး တွေဟာ ရည်းစားထားပေမယ့် သူတို့မှာ ရည်မှန်းချက် ကြီးကြီးမားမား ရှိတတ်ကြပါတယ် ။ သင်က သူ့ကို ချစ်လွန်းလို့ သူနဲ့အတူနေရဖို့ ကြိုးစားနေတာတွေဟာ သူ့ရည်မှန်းချက်အတွက် အတားအဆီး ကြီးကြီးမားမား ဖြစ်စေနိုင်ပါတယ် ။ အဲဒီအခါ သူသင့်ကို ထားခဲ့သွား နိုင်ပါတယ် ။

တကယ်တော့ အများကြီး ချစ်တာလည်း မကောင်းသလို နည်းနည်းလေး ချစ်တာလည်းမကောင်းပါဘူး ။ အချစ်ဆိုတာ ညီမျှခြင်းရှိမှ ရှေ့ဆက်လို့ရမှာပဲလေ

error: Content is protected !!